bla 3onwan

من طرف zohra الأحد أكتوبر 26 2008, 12:27

واش حنا مسلمين ولانصار
ولينا شعب لحزارة
مرة لفرنسا ومرة لامريكا وربيبتها لغضارة
وغابت فينا الشطارة
ولات لحروف فقيرة ولكلمة قليلة
ولات لكتوبة مهجورة وبان حسابنا عند لفورة
وإحنا إما راضي ولا راضية
واش حنا مسلمين والنصارى
تجمعت علينا كليبات الغابة
وكليبات لغابة كدابة
كلات لينا حقوقنا
تحت شعار لحرية والديموقراطية
ولي لغد مقطوع من شجرة
مرة يمشي مرة يطيح في لحفرة
والناس في سلالم طالعين
وحنا باقين في لحفاري
ولي التدبر والتفكر كيمشي كيف لمهبول
مايطيب خبز مايشبع كرش لغول
بنادم طغي وتكبر ولامايقنع
بلحلوولاالمر
و هنا بدات المحنة
ونسينا نعمة الخالق علي البشرية
وولات السنين طوال وعمر الناس قلال
ولا الطير يطير بلاجنحين
وتهمة تمشي بلا رجلين
تعيط وتقول يا عربي ويا عربية
علاش تخليتو علي كتاب الله والسنة النبوية
ونسيتو تفكروا في صنع الخالق لدرية
ووليتو دفعو ضريبة ولخطية
للقوانين الوضعية
ونسيتو كلام خير البرية
وهو تفكرو في صفات الله ولاتفكرو في داتو تاهية
وهده قصيدة زجلية كتبتها بلدية
لكل قاري وقارية
تنقول فيها ياكل من هوادمي وآدمية
اجو نتفكرو في السماء لهزها ربي
وهية من الطيحة محضية
وما ننسا واش نجسدو التفكر
في حياتنا السلوكية واليومية